HAMORAON NI HATA BATAK
Edisi: Amani Peranca Dosen Terbang
=============================
Adong sarito ku, ima taringot tu Hata Batak na tung mansai uli i, dohot taringot tu Halak Hita Batak na lao marhuta sada jala naung tarbarita sahat tu luat Sileban.

Ia sarito on, dang apala sarito ku sandiri nian alai sarito ni dongan do, naung gabe hu paune jala hu pature muse, sesuai selera (style) hu. Jala, sarito ni dongan na hu pature on pe, tong do sarito ni dongan na hian, jala dongan na i pe, tong do manseritahon sarito ni angka dongan na.
Hahahahhahahah
=============
Buti, inna hamu!
Adong 10 halak_ Halak Hita, dipaborhat marsiajar taringot Par-Haumaon tu Luat Sileban (Eropa), tar songon studi banding na sai niulahon ni angka Anggota Redeper i, hira mirip ma.
Jempek hata dohonon, masuk ma nasida tu kalas, jala nga di si Amani Peranca, ima amanta Dosen na naeng mangajari nasida,  Halak Hita Batak do Amani Peranca on, Amanta ni Nai Peranca😀

Jadi, ala lobi hantus do diroha ni Dosen i patorangkon dohot Hata Batak, gabe marhata Batak nasida dibagasan kalas i, saleleng berlangsung “proses ajar mengajar”.

Mamereng na masa i, gabe kaboratan ma Rektor ni “Parguruan na Timbo” i, jala ditorui / ditegor ma Amani Peranca, ninna ma dibagasan hata Inggeris:

“Sakni dao be nian hamu ro sian tano Batak alai pola ma ingkon sai holan Hata Batak i pakkeon mu di kalas on, ba ia hata Inggris pakke hamu, asa songon na tamba perbendaharaan hata Inggris muna” ninna Amanta Rektor i.

Amani Peranca ma:
” Dang na so hu antusi hami hata Inggris Amang, alai molo hata Inggris do hu baen patorangkon lao mangajari nasida, maol do annon antusan nasida angka aha na hu patorang, siala mansai otik do hamoraon ni hata Inggris on martimbanghon hata nami, Hata Batak”; jadi hurang ampit do annon au patorangkon”.

(Tompu ma tersinggung do Amanta Rektor i, pittor marrara pardompahan na, ala pamotoan na ummora do hata nasida sian hata Batak).

“Jadi maksudmu Amang Dosen, na gabe unjago do hata Batak sian Hata Inggris?” ninna Rektor i manungkun huhut diharat ngadol na.😀

“Ido Amang, lobi mora dope Hata Batak i, sian Hata Inggris, lobi lengkap dan kompleks” ninna Amani Peranca mangalusi:
…Rupani, on ma EME on (dipatudu Amani Peranca ma gombar on, songon sontoh barang).
Husungkun ma jo hamu Amang Rektor nami; “Molo hata Inggris, aha do goar ni EME on didok hamu?” ninna Amani Peranca.

Rektor: “Rice!”

Amani Peranca: ‘oke, betul’.
Jadi molo hami Halak Batak, EME ma goar na, jala goar ni Eme on pe godang do: adong Eme na Boltok, simareme-eme: Eme na Bibi, Eme si tamba tua parlinggoman ni Siborok, dohot lan na asing.
Molo nunga robggos Manabi, tarida ma Eme na masak, Eme na bibi l, Eme Turiang, Eme na lapungon, dohot na asing
Molo dung dijomur Eme i, didok ma Eme naung mahiang; molo mahiang boi ma diduda, hasil na digoari ma BORAS. Hape dihamu, holan RICE do goarna kan?.

Molo dung diduda Eme i, ‘diosas’ manang ‘disegei; adong ma “Bota-bota” ni Boras i, naung gabe bola jala maropuk las masarsar: jala hudok hami ma goar na: Monis, hamu tong do mandok: Rice.
“Ido kan? Kan ido?” ninna Amani Peranca

Molo dung dilompa Boras on, gabe INDAHAN do goarna, hamu sai tong mandok Rice. Indahan on pe massam goar na; indahan na tata, Indahan na malala, na ngaltek, na mosok, dll. Hamu, sai tong do mandok Rice, kan?.

(Tompu ma mirdong Amanda rektor i. 😀)

Molo dihami, dung pe denggan parmasak ni Boras i, asa hugoari hami ma Indahan, molo tong do mosok gabe KORAK do goarni i.
Jadi Amang Rektor…” ninna Amani Peranca huhut naeng diharat Spidol i.

“…las boha pe nimmu Amang, dang na ditanda hamu na margoar Purik. You Know PURIK??

“i don’t know, Sir” ninna Rektor i mangalusi
wkwkkwkkwkwk

Jadi Amang Rektor, so gabe naek darah tinggiku tu hamu, unang dok hamu unjago hata Inggris muna i sian Hata Batak. Holan sian sada hata dope hu patorang, nga mirdong hamu, kan?.

“Olo Amang, Amani Peranca, sala ma au disi. toho do jumago hata muna i, laos au pe nga mordong hu hilala;  Ampun ma” Amani Peranca:

” Hatop Kaluarrrrrr….!!!!! hami naeng marsiajar”
hahahhhahahahahahha
============

#ParorotHataBatak