04/12/2024

partobanauli.com

MANAT, ELEK, SOMBA
Headlines
melani.butarbutar@gmail.com110 mins

TUBUAN LAKLAK…. LAKLAK BOHA DO….
Busisaon si Pola siala dihilaphon Ompu Pola tungkotna tu ibana tanda manjou. Aha ma naeng sidohonon ni ompung on tu au, ninna rohana.
“Apala aha ompung, diholap ompung au”
“Patangkas jo, aha didok ho nangkin uju pasahat ulos parmuli ni boru ni amagtuam i”
“Bah…nadenggani do antong hudok ompung; Tubuan laklak ma hamu tubuan singkoru…..”
“Pasip ma…..”
Tompu tarsonggot si Pola, so sahat dope didok hamaloonna marumpasa i.
“Ibotomi do nidokmu tubuan laklak? Begua aha mai nuaeng. Marsisik do songn tanggiling nidokmu?”
“Nunga angka raja adat mandok songon i dah ompung, datung sala be i ninna roha”
“Sungkun ma jo raja adat mi, aha lapatan ni tubuan laklak tubuan singkoru. Sai unang ma dijangkon tondi ni pahompungki hatami bah. Manubuhon jolma ma ibana jala sipinta denggan ni ngolu”
“Dang hea husungkun angka raja adat i ompung aha lapatan ni i. Antong songon dia do dohonon ompung?”
“Ida ma singkoru, jolo madakdak do lampaknai asa haruar ibana. Ima patudu naung matoras bungana i, marbatu jala pir. Marlapatan do i tu bortian ni ina, madakdak dung lam manjonok umurna, sorang ma poso poso i. Ima nanidokna hot di arina ontang di bulanna. Uju dakdannak hamu najolo binahen do horunghorungmu singkoru, dipadomu dohot soit, namarlapatan do i padao sahit sisik”.
“Antong songon dia ma mandok hatana ompung?”
“Molo marguru tu au do ho, songon on ma dok saulaknai; “Madakdak ma singkoru bontar songon simbora. Tubuan anak ma hamu tubuan boru, denggan nang ngolumuna”
“Adong dope sadanai na mura antusanmu; Pinartangki laklak pinarhorunghorung singkoru, marsolotan bungabunga. Tubu ma di hamu anak, songon i nang dohot boru jala denggan ngolungoluna”
“Bah tutu, dang hea be binege hata na songon i, ompung”
“Ai tung hamaloon do dietong hamu naumposo molo dipaubauba hamu hata ni ompunta sijolo tubu. Panangian hamu antong. Tama songon na hundul, jagar songon namarroha. Alai rohamu marlekluk, marpiuan do songon sorha”
“Dang songon i au ompung”
“Dang songon i nimmu dope. Alai ingot ma, pinanta anak dohot boru, ingkon angkup do nang hangoluanna. Asa dang ture torop jolma alai marsingkor binahen di hangoluanna. Sapata ni hangoluanna naporsuk i tu iba do i”
“Huingot pe ompung”

Sahatbin Butarbutar, Imran Napitupulu dan 171 lainnya

119 Komentar

10 Kali dibagikan

Suka

Komentari

Bagikan

Komentar

Lihat Komentar Sebelumnya

  • Lumban Gaol Junedi

     Molo umpama, angka tudostudos ma i godangan. Adong doi i 4 baris larik, adong na dua, adong na sada. Alai adong do i muse dipatali di larik 3 dohot opat gabe hata pasupasu, didok ma i umpasa. Umpasa godangan ma i larikna sian ginjang tu toru patomuhon hata pangindoan manang pasupasu..

    Adong dope didok udoan, adong dope didok anian, adong dope muse ardang, adong muse sidedeng.
    Muse ma i tabahas….menjelang sidang sarjana….😂😂

    1

    • Suka

    • Balas
    • 4 jam
    • Diedit

    Tampilkan 2 balasan lain
    Tulis balasan…

  • Adong hea dapot au panorangion sian na tumua taringot tu umpasa on amang.
    Songonon ma di dok:
    Tubuan lak-lak,tubuan singkoru di dolok ni purba tua.… 

    Lihat Selengkapnya

    • Suka

    • Balas
    • 4 jam

    • Sude do hau songon i? Dang hea huida asing molo dung mate…

      • Suka

      • Balas
      • 4 jam

    • Molo lohot dope di hau i, didok ma i laklak. Molo dung maturtur didok ma i malaklak..

      • Suka

      • Balas
      • 4 jam
    Tampilkan 3 balasan lain

  • Mauliatema Amang, tamba ni parbinotoan ma on dihami sundut naumposo. Molo boi nian amang , mangido izin hami asa boi nishare tu angka dongan..?

    1

    • Suka

    • Balas
    • 4 jam

  • Na hea binege amang pandohan i
    Tubu ma laklak nang sikkoru na di dolok ni purba tua inna do hea binege amang..

    • Suka

    • Balas
    • 4 jam
    Tampilkan 7 balasan lain

  • Jadi Abang dang sihatahonon hape hata umpasa tubuan laklak tubuan sikkoru ate Abang

    • Suka

    • Balas
    • 1 jam

  • Sahalak apala laenghu sorang jala magodang di Siantar, di lingkungan na so marhata Batak. Andorang so covid-19 nunga antar jotjot lae on gabe parhata paidua di unjuk hot ripe. Tontu marumpasa do ibana sipata. Di inganan na toho do angka umpasa i dipeakhon lae i, alai ninna lae on, ndang diantusi ibana aha lapatan ni angka umpasa na pinandohanna i.

    • Suka

    • Balas
    • 21 mnt

  • Bah, anggo on ingkon hupasahat annon tu angka raja hata napamalomalohon i. Ai na jotjotan didok hata on tu pengantin uju pasahat ulos. “Ai nanaeng gabe Tanggiling do poang si boru i maksudmu asa didok ho tubuan laklak?” molo ningku annon, olo ra bollangonna ahu ate, tulan?

One thought on “”

Leave a Reply

Your email address will not be published. Required fields are marked *

Related News